اداکارہ میرا کا انگریزی گانا سوشل میڈیا پرمقبول

75

کراچی: نامور پاکستانی اداکارہ میرا نے انگریزی میں گانا گاکر مداحوں کوسرپرائز کردیا جب کہ گانے کی ویڈیو بھی سوشل میڈیا وائرل ہوگئی۔

اسکینڈل کوئین کے نام سے مشہور پاکستانی اداکارہ میرا اپنی گلابی انگریزی اورعجیب وغریب حرکتوں کی وجہ سےآئے روز خبروں کی زینت بن جاتی ہیں۔ غلط اور ٹوٹی پھوٹی انگریزی بولنے کی وجہ سے کئی بار میرا کو سوشل میڈیا صارفین کی جانب سے مذاق کا نشانہ بھی بنایا گیا ہے اور انہیں انگریزی نہ بولنے کے مشورے بھی دئیے گئے ہیں لیکن وہ میرا ہی کیا جو کسی کے مشوروں پر عمل کرلے۔ حال ہی میں میرا انگریزی میں گانا گاکر ایک بار پھر لوگوں کی توجہ کا مرکز بن گئیں ۔

اس خبرکوبھی پڑھیں: اداکارہ میرا کو ہالی ووڈ سے بڑی پیشکش

رپورٹس کے مطابق اداکارہ میرا نے کچھ عرصہ قبل ہالی ووڈ سے انگریزی سیکھ کر آنے کا دعویٰ کیا تھا اور اب انہوں نے اپنے دعوے کا عملی مظاہرہ کرتے ہوئے ایک تقریب کے دوران شہرہ آفاق فلم ’ٹائی ٹینک‘ کا مشہور گیت ’’مائی ہارٹ ول گون آن‘‘ گا کرسنایا۔

گانے کے دوران میرا نے ہالی ووڈگلوکارہ سلین ڈیون کا مقابلہ کرنے کی بھرپور کوشش کی اور گانے کے دوران اداکارہ کئی جگہوں پر مشکل کا شکار بھی نظر آئیں لیکن انہوں نے ہار نہیں مانی اور موبائل فون پر بول پڑھتے پڑھتے اپنے سر آزماتی رہیں اور بالآخر گاناختم کرکے دم لیا۔

اس خبرکوبھی پڑھیں:  لاس اینجلس کا دورہ کامیاب رہا، اداکارہ میرا کا دعویٰ

میرا کی اس کوشش سے یہ تو ثابت ہوگیا کہ وہ انگریزی کی جان اتنی آسانی سے چھوڑنےو الی نہیں لہٰذا ان کے مداحوں کو میرا اور ان کی گلابی انگریزی اسی طرح جھیلنی پڑے گی۔

The post اداکارہ میرا کا انگریزی گانا سوشل میڈیا پرمقبول appeared first on ایکسپریس اردو.

مزید خبریں

اپنی رائے دیجئے

آپ کا ای میل ایڈریس شائع نہیں کیا جائے گا.