کوئٹہ میں آلودہ سبزیاں كھانے سے شہری موذی امراض میں مبتلا ہونے لگے

15

کوئٹہ: كوئٹہ میں گندے پانی كے ذریعے سبزیوں كی كاشت زور و شور سے جاری ہے جس سے شہری موذی امراض کا شکار ہورہے ہیں۔

اسپنی روڈ، كلی دیبہ، كلی ابراہیم زئی اور وحدت كالونی میں كھلے عام نالے كے گندے پانی كے ذریعے سبزیوں كی كاشت جاری ہے جس كے لئے باقاعدہ رات كے اوقات میں كام كرنے والے مزدوروں كی مدد سے فصلوں كو پانی فراہم كیا جاتا ہے جس كے كھانے سے كینسر سمیت دیگر موذی امراض لاحق ہوتے ہیں۔

ماہرین كا كہنا ہے كہ كوئٹہ كی گوبی سمیت پالک اور دیگر سبزیاں ریڑھی والوں اور عام دكانداروں كو سستے داموں فراہم كر كے شہریوں كو بیماریوں كے منہ میں ڈالا جارہا ہے جس سے شہری تیزی سے كینسر سمیت دیگر بیماریوں كا شكار ہورہے ہیں۔

علاقہ مکین کا کہنا ہے کہ ماضی میں ضلعی انتظامیہ نے كریک ڈاؤن كیا تھا، اب ایک بار پھر سے ایسے ہی كریک ڈاؤن كی ضرورت ہے تاكہ شہری گندی سبزیاں كھانے سے محفوظ رہ سكیں۔

مزید خبریں

اپنی رائے دیجئے

آپ کا ای میل ایڈریس شائع نہیں کیا جائے گا.