فیس بک نے بچوں کیلئے میسنجر ایپ متعارف کرادی

10

فیس بک نے پہلی بار تیرہ سال سے کم عمر بچوں کے لیے اپنے دروازے کھول دیئے ہیں اور اس مقصد کے لیے ایک نئی ایپ متعارف کرائی ہے۔

میسنجر کڈز نامی یہ ایپ فی الحال امریکا میں متعارف کرائی گئی ہے جو کہ آئی او ایس ڈیوائسز کے لیے دستیاب ہوگی تاہم اسے اینڈرائیڈ صارفین کے لیے بھی پیش کیا جائے گا اور اسے دنیا بھر میں تیرہ سال سے کم عمر بچے استعمال کرسکیں گے۔

یہ نئی ایپ پرائیویسی پر مبنی ہے جس میں بچوں کے والدین اپلیکشن کو بچے کے فون یا ٹیبلیٹ میں ڈاﺅن لوڈ کرکے ان کے لیے پروفائل بنائیں گے، دوستوں کی منظوری دیں گے۔

اس ایپ کے ذریعے بچے اپنے دوستوں اور رشتے داروں سے ٹیکسٹ اور ویڈیو چیٹ مین میسنجر ایپ کی مدد سے کرسکیں گے۔

فوٹو بشکریہ فیس بک
فوٹو بشکریہ فیس بک

ان بچوں کو اس کے لیے فیس بک پر سائن ان ہونے یا فون نمبر کی ضرورت نہیں ہوگی۔

یہ کہنے کی ضرورت نہیں کہ اب بچے کم عمری سے ہی ٹیکنالوجی ڈیوائسز استعمال کرنے کے عادی ہوتے ہیں، تاہم اب تک تیرہ سال سے کم عمر بچوں کو فیس بک اکاﺅنٹ بنانے کی اجازت نہیں تھی۔

اور اس نئی ایپ میں بھی بچوں کے فیس بک اکاﺅنٹ نہیں بنیں گے کیونکہ والدین کے فیس بک اکاﺅنٹ سے ہی میسنجر کڈز اکاﺅنٹ کو بنایا جائے گا۔

فیس بک کے مطابق جب اس ایپ کو ڈاﺅن لوڈ کیا جائے گا تو سب سے پہلے آپ کو اپنے فیس بک اکاﺅنٹ کو اتھارٹی دینا ہوگی جس کے بعد بچوں کے پہلے اور آخری نام سے ایک اکاﺅنٹ تیار کرنا ہوگا، جنھیں پبلک سرچ میں تلاش نہیں کیا جاسکے گا جبکہ یہ ایپ اشتہارات سے بھی پاک ہوگی۔

والدین ہی بچوں کے اس اکاﺅنٹ میں کانٹیکٹس کا اضافہ کرسکیں گے اور رشتے دار اپنے میسنجر اکاﺅنٹ سے ان بچوں سے رابطہ کرکے بات چیت کرسکیں گے۔

اور اگر وہ اپنے کسی دوست کو ایڈ کرنا چاہیں گے تو یہ اسی وقت ممکن ہوگا جب والدین دوست کے والدین کے فیس بک فرینڈ ہوں۔

فوٹو بشکریہ فیس بک
فوٹو بشکریہ فیس بک

اسی طرح والدین جب دل چاہے بچوں کے کانٹیکٹس کو دیلیٹ کرسکتے ہیں، جبکہ بچے بھی کسی کو بلاک کرسکتے ہیں جس کا نوٹیفکیشن والدین کو موصول ہوگا۔

یہاں تک کہ فیس بک نے وعدہ کیا ہے کہ اگر وہ کسی اکاﺅنٹ کو خطرناک تصور کرے گی تو اس پر بھی وہ فوری پابندی لگائے گی۔

مزید خبریں

اپنی رائے دیجئے

آپ کا ای میل ایڈریس شائع نہیں کیا جائے گا.