الکاٹیل کے 7 سستے اسمارٹ فونز متعارف

33

چین کی ٹی سی ایل کارپوریشن کی زیرملکیت کمپنی نے ایک یا دو نہیں،7 بجٹ فرینڈلی اسمارٹ فون متعارف کرا دیئے ہیں۔

بارسلونا میں جاری موبائل ورلڈ کانگریس کے دوران اس کمپنی کی جانب سے سستے اسمارٹ فونز کو پیش کیا گیا جنھیں ون سیریز، تھری سیریز اور فائیو سیریز میں تقسیم کیا گیا ہے۔

تو ان نئے فونز کے فیچرز اور دیگر تفصیلات ان سیریز کے تحت ہی جانیں۔

الکا ٹیل 5 سیریز

ان سستے فونز میں زیادہ بہتر فیچرز والی ڈیوائسز اس سیریز کا حصہ ہیں جس میں فلیگ شپ فونز والے فیچرز انتہائی کم قیمت میں فراہم کرنے کا وعدہ کیا ہے۔ اس سیریز کے لیے کمپنی نے الکا ٹیل فائیو کے نام سے ایک ہی فون متعارف کرایا۔

یہ 5.7 انچ کا فون ہے، میٹل باڈی اور ڈوئل سیلیفی کیمرہ، سنگل رئیر کیمرہ، چہرے سے فون ان لاک کرنے کا فیچر، جیسے آئی فون ایکس اور گلیکسی ایس نائن مین ہے، فنگر پرنٹ ریڈر، تھری جی بی ریم، 3000 ایم اے ایچ بیٹری، اینڈرائیڈ نوگیٹ آپریٹنگ سسٹم، اوکٹا کور میڈیا ٹیک 6750 پراسیسر جیسے فیچرز کے ساتھ یہ فون 370 ڈالرز (لگ بھگ 41 ہزار پاکستانی روپے) میں فروخت کیا جائے گا۔

الکاٹیل تھری سیریز

اس سیریز میں چار فونز الکا ٹیل تھری، تھری وی اور تھری ایکس متعارف کرائے گئے اور ان سب میں 18:9 ریشو اسکرینز دی گئی ہیں جبکہ فنگر پرنٹ ریڈر، فیس کی اور ایچ ڈی ڈسپلے موجود ہے، ان تمام فونزکی قیمتیں 245 ڈالرز (27 ہزار پاکستانی روپے) سے کم ہیں۔

الکا ٹیل تھری وی میں سکس انچ ڈسپلے، کواڈ کور آرم کورٹیکس اے 53 پراسیسر، سولہ جی بی اسٹوریج، دو جی بی ریم، 3000 ایم اے ایچ بیٹری، ڈوئل رئیر کیمرہ سیٹ جس میں ایک بارہ میگا پکسل جبکہ دوسرا دو میگا پکسل کیمرہ ہے، پانچ میگا پکسل فرنٹ کیمرہ واور فیس کی ان لاک غیرہ نمایاں فیچرز ہیں۔

اسی طرح الکالٹیل تھری سی بھی سکس انچ ڈسپلے، اوکٹا کور میڈیا ٹیک 6753 پراسیسر، سولہ جی بی اسٹوریج، تھری جی بی ریم، ایک، ایک بیک اور فرنٹ کیمرہ اور فنگرپرنٹ ریڈر سمیت فیس کی ان لاک جیسے فیچرز موجود ہیں۔

الکا ٹیل تھری ایکس 5.7 انچ اسکرین، اوکٹا کور پراسیسر، 32 جی بی اسٹوریج، تھری جی بی ریم، 3000 ایم اے ایچ بیٹری، ڈوئل رئیر کیمرہ سیٹ اپ، پانچ میگا پکسل فرنٹ کیمرہ، فنگر پرنٹ ریڈر اور فیس کی ان لاک فیچرز دیئے گئے ہیں۔

آخری فون یعنی الکا ٹیل تھری ہے جس میں 5.5 انچ ڈسپلے، کواڈ کور کورٹیکس اے فائیو پراسیسر، سولہ جی بی اسٹوریج، دو جی بی ریم، تیرہ میگا پکسل بیک جبکہ پانچ میگا پکسل رئیر کیمرہ، فنگر پرنٹ ریڈر اور فیس بک ان لاک وغیرہ موجود ہیں۔

الکا ٹیل ون سیریز

یہ اس کمپنی کے سب سے سستے فونز ہیں جس میں دو فونز الکا ٹیل ون ایکس اور الکا ٹیل ون سی متعارف کرائے گئے، جن کی قیمتیں 125 ڈالرز (لگ بھگ 14 ہزار پاکستانی روپے) سے کم ہیں۔

الکا ٹیل ون ایکس اینڈرائیڈ اورو گو ایڈیشن کا حصہ ہے جس کے لیے گوگل ایپس نے اپنی ایپس کو بھی ری ڈیزائن کیا تاکہ کم جگہ گھیر کر زیادہ تیزی سے کام کرسکیں۔ یہ 5.3 انچ ڈسپلے والا فون ہے جس میں کواڈ کور پراسیسر، سولہ جی بی ری، ایک جی بی ری، آٹھ میگا پکسل رئیر جبکہ پانچ میگا پکسل فرنٹ کیمرہ اور 2460 ایم اے ایچ بیٹری دی گئی ہے۔

الکاٹیل ون سی اینڈرائیڈ اورو آپریٹنگ سسٹم ڈوئل رئیر کیمرہ، فنگر پرنٹ سنسر اور فیس کی جیسے فیچرز سے لیس ہے اور سستا ترین ڈوئل کیمرے والا فون بھی قرار دیا جاسکتا ہے جس کی قیمت محض بارہ ہزار پاکستانی روپے سے شروع ہوتی ہے۔

مزید خبریں

اپنی رائے دیجئے

آپ کا ای میل ایڈریس شائع نہیں کیا جائے گا.