ایپل iOS میں نیا مسئلہ: صرف ایک پیغام آئی فونز کو ناکارہ کرنے لگا

10

اس میں کوئی شک نہیں کہ ایپل کا آئی فون ایکس گزشتہ 6 ماہ کے دوران ریلیز ہونے والے بہترین اسمارٹ فونز میں سے ایک ہے لیکن اس کے ساتھ ریلیز کیے گئے نئےآپریٹنگ سسٹم iOS11 میں کئی مسائل سامنے آ رہے ہیں۔

ایک یوٹیوبر ’’ایوری تھنگ ایپل پرو‘‘ نے اپنی تحقیق میں انکشاف کیا ہے کہ iOS11 پر چلنے والے آئی فون، آئی پیڈ اور میک کو صرف ایک ٹیکس میسج کے ذریعے ناکارہ کیا جا سکتا ہے۔

مذکورہ میسج جسے ’’بلیک ڈاٹ (کالا نقطہ)‘‘ کہا جاتا ہے سب سے پہلے’’آئی میسج‘‘ ایپ کو ناکارہ کرتا ہے جس کے بعد آئی او ایس اور میک آپریٹنگ سسٹم اور ان میں موجود دیگر ایپس کو اپنا ہدف بناتا ہے۔

’’ایوری تھنگ ایپل پرو‘‘ کے مطابق ایپل کی بیشتر ڈیوائسز میں اس سے بچنے یا اس خرابی سے نکلنے کا کوئی آسان حل موجود نہیں ہے۔

ویب سائٹ ’’نائن ٹو فائیو میک‘‘ کے مطابق ’’بلیک ڈاٹ ‘‘ بظاہر کالے رنگ کے ایک ایموجی (جسے جان بوجھ کر یہاں نہیں لکھا گیا ہے) پر مشتمل ہے لیکن اس کے پیچھے ہزاروں کی تعداد میں نظر نہ آنے والے یونی کوڈ حروف چھپے ہوتے ہیں۔

مزید خبریں

اپنی رائے دیجئے

آپ کا ای میل ایڈریس شائع نہیں کیا جائے گا.