Mashriq Newspaper

انڈے پھینکے پر فرانسیسی سیاستدان کا مشتعل ہوکرخاتون پر تشدد

فرانس میں انتہائی دائیں بازو کے سیاسی رہنما ایرک زیمور پر انتخابی مہم کے دوران انڈے پھینک دئیے گئے۔

سیاستدان نے خاتون کو تشدد کا نشانہ بنایا۔ کورسیکا جزیرے میں اجاکسیو شہر میں انتخابی مہم کے سلسلے کی تقریب میں موجود ایرک زیمور کیخلاف 15 کے قریب افراد نے نعرے بازی شروع کردی۔ ان پر انڈے اور پانی بھی پھینک دیا گیا۔

پولیس ذرائع کے مطابق یہ سب کچھ چند لمحات میں ہوا، جس کی فوٹیج بھی منظر عام پر آگئی جبکہ اس واقعہ کے دوران خاتون نے سیاسی رہنما کو دھکا دینے کی کوشش بھی کی۔

ایرک زممور کے ساتھ آنے والے وفد کے ایک رکن نے کہا کہ فوٹیج میں خالص دفاعی ردعمل دکھایا گیا ہے، خاتون نے زیمور کو پیچھے سے دھکا دیا، وہ نہیں جانتا تھا کہ وہ کیا لے کر جا رہی ہے، آیا یہ انڈا ہے، مٹھی ہے یا چاقو ہے۔

واضح رہے اجاکسیو کے پبلک پراسیکیوٹر نکولس سیپٹی نے ایجنسی فرانس پریس کو بتایا کہ تحقیقات کا آغاز کر دیا گیا ہے۔

You might also like
Leave A Reply

Your email address will not be published.