Mashriq Newspaper

سونا سمگلنگ کا الزام ، بھارت میں تعینات افغانی قونصل جنرل مستعفی

بھارت میں افغانستان کی قونصل جنرل نے مبینہ طور پر دبئی سے تقریباً 18 کروڑ انڈین روپے کا 25 کلو سونا انڈیا میں سمگل کرنے کے الزام کے بعد استعفیٰ دے دیا ہے۔

بھارتی میڈیا کے مطابق ذکیہ وردک نے اپنے فیصلے کی وجہ ذاتی حملوں اور بدنامی اور اس نظام میں واحد خاتون نمائندہ کو غیر منصفانہ طور پر نشانہ بنانے والے عوامی بیانیے کو قرار دیا۔

رپورٹس  میں بتایا گیا کہ ذکیہ وردک کو اپریل کے آخری ہفتے میں ڈائریکٹوریٹ آف ریونیو انٹیلی جنس نے ممبئی ایئرپورٹ پر روکا تھا اور ان سے سونا برآمد ہوا تھا، قونصل جنرل سے برآمد ہونے ولا سونا ضبط کر لیا گیا اور مقدمہ درج کر لیا گیا لیکن انہیں گرفتار نہیں کیا گیا کیونکہ انہیں سفارتی استثنیٰ حاصل تھا۔

واضح رہے ذکیہ وردک کی تقرری افغانستان میں پچھلی اشرف غنی حکومت نے کی تھی۔

You might also like
Leave A Reply

Your email address will not be published.