Mashriq Newspaper

سعودی عرب کی اپنے شہریوں کو پاکستان سمیت 25 ممالک جانے سے اجتناب برتنے کی ہدایت

سعودی عرب نے اپنے شہریوں کو پاکستان سمیت 25 ممالک جانے سے اجتناب برتنے کی ہدایت کر دی۔

مقامی میڈیا کے مطابق ہدایت نامے میں کہا گیا ہے کہ سعودی شہری پاکستان، افغانستان، بنگلادیش، عراق، شام، نیپال، نائیجریا اور بھارت سمیت 25 ممالک کے سفر سے حتی الامکان گریز کریں۔

سعودی محکمہ صحت کی جانب سے جاری بیان میں کہا گیا ہے کہ یہ ہدایات اپنے شہریوں کو کورونا سمیت پولیو، ڈینگی، ملیریا، ہیضہ، منکی پاکس اور خسرہ جیسی بیماریوں سے محفوظ رہنے کے لیے جاری کی گئی ہیں۔

سعودی محکمہ صحت کے مطابق یہ متعدی بیماریاں صحت کے لیے خطرناک ثابت ہوسکتی ہیں اور ان ممالک میں ایسی بیماریوں سے نبرد آزما ہونے کے لیے صحت کے نظام کے پیش نظر بھی سفر سے گریز کریں۔

دوسری جانب ان ممالک سے سعودی عرب پہنچنے والے مسافروں کی بھی صحت کی جانچ کے نظام کو سخت کیا جا رہا ہے تاکہ مملکت میں یہ بیماریاں وبا کی صورت میں نہ پھیل سکیں۔

یاد رہے کہ سعودی عرب نے کورونا وبا کے دوران حج اور عمرے کے لیے بھی سخت حفاظتی انتظامات کیے تھے اور صرف سعودیہ میں مقیم زائرین کو حج اور عمرے کی محدود اجازت تھی۔

You might also like
Leave A Reply

Your email address will not be published.