الزامات تو لگادیے، بورڈ اب انکوائری کیلئے نہیں بلا رہا، انضمام الحق

ورلڈ کپ کےلیے پاکستانی ٹیم منتخب کرنے والے انضمام الحق نے ذکا اشرف اور کرکٹ بورڈ دونوں کو نشانے پر لے لیا۔

ان کا کہنا ہے کہ ورلڈ کپ کے دوران الزامات تو لگا دیے گئے لیکن بورڈ اب انکوائری کے لیے نہیں بلا رہا نہ رابطہ کررہا ہے اور نہ ای میلز کا جواب دے رہا ہے، نہ بورڈ یہ بتارہا ہے کہ کس چیز کی انکوائری ہورہی ہے، ، استعفیٰ منظور نہ ہونے کا بھی ٹی وی سے علم ہوا۔

جیو نیوز کے پروگرام کیپیٹل ٹاک میں گفتگو کے دوران انضمام الحق نے کہا کہ ذکا اشرف اپنی ذمے داری دوسروں پر ڈالنے کی کوشش کررہے ہیں۔ تین تین چار چار مہینوں کی ایکسٹینشن کے لیے ہاتھ پاؤں مار رہے ہیں، تین چار مہینوں میں آپ کیا کرلیں گے؟