Mashriq Newspaper

سی این این کی نیوز کاسٹر بلیٹن میں اپنی کینسر کی بیماری کا بتاتے ہوئے رو پڑیں

امریکی نشریاتی ادارے سی این این کی نیوز کاسٹر چھاتی کے کینسر سے متعلق آگاہی کے لیے براہ راست نشریات میں خود بھی اس بیماری میں مبتلا ہونے کا بتاتے ہوئے رو پڑیں۔

عالمی خبر رساں ادارے کے مطابق سی این این کی 51 سالہ نیوز کاسٹر سارہ سڈنر کے لیے خبریں پڑھنا معمول کا کام ہے تاہم اس بار کا بلیٹن انھوں نے بوجھل دل لیکن پُرعزم انداز میں پڑھا۔

اس نیوز بلیٹن میں سارہ سڈنر نے تمام خواتین سے سال میں ایک بار ضرور میمو گرافی کرانے کا مشورہ دیتے ہوئے بتایا کہ مجھے تیسرے درجے کا بریسٹ کینسر ہے حالانکہ نہ میرے خاندان میں کسی کو بریسٹ کینسر ہوا، نہ میں کبھی بیمار ہوئی، نہ میں سگریٹ نوش ہوں اور شراب بھی شاز و نادر ہی  پی ہوگی۔

علاوہ ازیں نیوز کاسٹر نے مزید کہا کہ اپنے وقت کا ایک سیکنڈ نکال کر صرف ان 8 خواتین کے نام یاد کریں اور سوچیں اگر ان میں سے کسی ایک کو بھی چھاتی کا کینسر ہو جائے تو آپ پر کیسی قیامت ٹوٹ پڑے گی۔

نیوز کاسٹر نے مزید کہا کہ درحقیقت میں ان 8 رکنی گروپ میں سے ایک ہوں جسے بریسٹ کینسر ہوا ہے اور یہ میرے دوستوں اور چاہنے والوں کے لیے بُری خبر ہے۔

سارہ سڈنر نے کہا کہ مجھے کبھی توقع نہیں تھی کہ یہ میرے ساتھ ہوگا لیکن میں نے کینسر کا شکریہ ادا کیا کیونکہ اس نے مقابلے کے لیے میرا انتخاب کیا۔ میرے لیے زندہ رہنا اب جنون بن گیا ہے، میں کینسر کو شکست دوں گی۔

سی این این کی نیوز کاسٹر سارہ سڈنر نے اپنے علاج سے متعلق بتایا کہ دوماہ سے کیموتھراپی جاری ہے جس کے بعد ریڈی ایشن تھراپی اور ڈبل ماسٹیکٹومی کا مرحلہ آئے گا۔

You might also like
Leave A Reply

Your email address will not be published.