Mashriq Newspaper

سابق صوبائی وزیر بلوچستان اور لیگی امیدوار اسلم بلیدی پر قاتلانہ حملہ

بلوچستان کے علاقے کیچ میں سابق صوبائی وزیر، سینیٹر اور آئندہ عام انتخابات کیلیے حلقہ 258 سے مسلم لیگ ن کے امیدوار میر اسلم بلیدی پر قاتلانہ حملہ ہوا جس میں وہ زخمی ہوگئے۔

ڈپٹی کمشنر کیچ حسین جان کے مطابق اسلیم بلیدی کی گاڑی پر نامعلوم افراد نے تربت شہر میں مین روڈ پراندھا دھند فائرنگ کی جس میں وہ زخمی ہوئے ہیں۔

ڈپٹی کمشنر کے مطابق اسلم بلیدی کو طبی امداد کیلیے ٹیچنگ اسپتال تربت منتقل کردیا گیا ہے۔

 

دوسری جانب نگراں وزیراعلیٰ بلوچستان کی تربت میں میر اسلم بلیدی پر ہونے والے حملے کی بھرپور مذمت کرتے ہوئے محکمہ داخلہ بلوچستان سے رپورٹ طلب کرلی۔

نگراں وزیر اعلیٰ میر علی مردان ڈومگی نے ہدایت کی کہ انتخابی مہم اور امیدواروں کو فول پروف سیکیورٹی کی فراہمی یقینی بنائی جائے،واقعے میں ملوث عناصر کی گرفتاری کے لئے تمام وسائل بروئے کار لائے جائیں۔

You might also like
Leave A Reply

Your email address will not be published.