اسٹاک ایکسچینج میں ایک ہزار 129.94 پوائنٹس کا اضافہ، انڈیکس 55 ہزار پوائنٹس کی بُلند ترین سطح پر

پاکستان اسٹاک ایکسچینج میں تیزی سلسلہ آج بھی جاری ہے، بینچ مارک کے ایس ای-100 انڈیکس 55 ہزار کی نفسیاتی حد بھی عبور کر گیا۔

پی ایس ایکس میں دن بھر میں تیزی کا رجحان رہا تاہم کاروباری دن کے اختتام پر کے ایس ای-100 انڈیکس ایک ہزار 129.94 پوائنٹس یا 2.08 فیصد اضافے کے ساتھ مجموعی طور پر 55 ہزار 391.36 پوائنٹس پر بند ہوا جبکہ گزشتہ روز 54 ہزار 261.42 پوائنٹس پر بند ہوا تھا۔

پی ایس ایکس ویب سائٹ کے مطابق تقریباً 10 بج کر 45 منٹ پر کے ایس ای-100 انڈیکس 805 پوائنٹس یا 1.48 فیصد اضافے کے بعد 55 ہزار 66 پوائنٹس پر پہنچ گیا۔