Mashriq Newspaper

آنر کا میجک لائٹ سیریز فون متعارف

اسمارٹ فون بنانے والی چینی کمپنی آنر نے اپنی میجک سیریز کا لائٹ فون متعارف کرادیا، جسے فیچرز کے حوالے سے معیاری فون قرار دیا جا رہا ہے۔

آنر میجک لائٹ 6 کو 8۔6 انچ اسکرین کے ساتھ متعارف کرایا گیا ہے، اسے 8 جی بی ریم جب کہ 256 جی بی میموری میں پیش کیا گیا ہے۔

فون کو اینڈرائیڈ 14 کے حامل میجک او ایس 8 کے آپریٹنگ سسٹم میں پیش کیا گیا ہے، اس میں فنگر پرنٹ سینسر سمیت دیگر سیکیورٹی فیچرز بھی دیے گئے ہیں۔

فون کے بیک پر تین کیمرے دیے گئے ہیں، جس میں سے مین کیمرا 50 میگا پکسل جب کہ دوسرا 108 اور تیسرا بھی 50 میگا پکسل دیا گیا ہے۔

اسی طرح فون کے فرنٹ پر 50 میگا پکسل کا طاقتور کیمرا دیا گیا ہے اور کمپنی کا دعویٰ ہے کہ کیمرا ٹیکنالوجی کو اپگریڈ کیا گیا ہے۔

آنر میجک لائٹ 6 کو 5300 ایم اے ایچ کی طاقتور بیٹری جب کہ 80 واٹ کے فاسٹ چارجر جب کہ 66 واٹ کے وائرلیس چارجر کے ساتھ متعارف کرایا گیا ہے۔

فون کو ابتدائی طور پر یورپ کے چند ممالک میں فروخت کے لیے پیش کیا گیا ہے، تاہم جلد ہی اسے پاکستان سمیت خطے کے دیگر ممالک میں پیش کیا جائے گا۔

کمپنی نے آنر میجک لائٹ 6 کی قیمت پاکستانی ایک لاکھ 23 ہزار روپے تک رکھی ہے، جسے مناسب قرار دیا جا رہا ہے۔

You might also like
Leave A Reply

Your email address will not be published.