Mashriq Newspaper

انگلینڈ کے سابق کپتان مائیکل وان کا محمد رضوان پر طنز

انگلینڈ کے سابق کپتان مائیکل وان نے پاکستان کے وکٹ کیپر بیٹر محمد رضوان پر طنز کیا ہے۔

سماجی رابطے کی ویب سائٹ ایکس (سابق ٹوئٹر) پر مائیکل وان نے ایک لڑکے کی محمد رضوان کی طرح کریز سے آگے نکل کر شاٹ کھیلنے کی تصویر شیئر کی ہے۔

پوسٹ کی گئی تصویر کے ساتھ مائیکل وان نے لکھا ہے کہ اس لڑکے کو دیکھیں، یہ محمد رضوان کی طرح کھیل رہا ہے۔

رضوان پر طنز کرتے ہوئے کہا کہ پہلے دیکھیں کہ گیند کہاں آ رہی ہے۔

واضح رہے کہ گزشتہ روز محمد رضوان انگلینڈ کے خلاف معین علی کی گیند پر باہر نکل کر کھیلتے ہوئے بولڈ ہوئے تھے۔

آئی سی سی ورلڈ کپ کے 44 ویں میچ میں انگلینڈ نے پاکستان کو 93 رنز سے شکست دی تھی۔

کولکتہ میں کھیلے گئے میچ میں انگلینڈ نے پاکستان کو جیت کے لیے 338 رنز کا ہدف دیا تھا جس کے تعاقب میں قومی ٹیم 244 رنز بنا کر آل آؤٹ ہو گئی تھی۔

You might also like
Leave A Reply

Your email address will not be published.