Mashriq Newspaper

اینڈرائیڈ موبائلز میں میسیجز کو ایڈٹ کرنے کا فیچر دیے جانے کا امکان

اسمارٹ موبائلز فونز کے آپریٹنگ سسٹم اینڈرائیڈ میں گوگل کی جانب سے موبائل میسیجز کو ایڈٹ کرنے کا فیچر پیش کیے جانے کا امکان ہے۔

اس وقت دنیا بھر کے زیادہ تر اسمارٹ موبائل ایپل اور گوگل کے اینڈرائیڈ آپریٹنگ سسٹم پر چلتے ہیں، تاہم ہواوے نے اپنا آپریٹنگ سسٹم بنایا ہے، اسی طرح بعض چینی موبائل بھی ہواوے کے آپریٹنگ سسٹم پر چلتے ہیں۔

سام سنگ سمیت دیگر معروف موبائل کمپنیاں گوگل کے اینڈرائیڈ پر انحصار کرتی ہیں اور ان موبائلز کے صارفین عام طور پر اینڈرائیڈ کی سپورٹڈ میسیجنگ ایپلی کیشنز استعمال کرتے ہیں۔

اب خبر سامنے آئی ہے کہ گوگل کے ماہرین اینڈرائیڈ میسیجنگ ایپلی کیشنز میں ایڈٹ کا فیچر پیش کرنے پر کام کر رہے ہیں۔

گوگل کے ماہرین میسیجز کو ایڈٹ کرنے کے فیچر پر کام کر رہے ہیں اور ابھی مذکورہ کام ابتدائی مراحل میں ہے۔

گوگل نے فوری طور پر میسیجز ایپلی کیشنز میں ایڈٹ کے فیچر کو پیش کرنے یا نہ کرنے کی خبروں پر کوئی رد عمل نہیں دیا لیکن ٹیکنالوجی ماہرین کے مطابق انہوں نے اینڈرائیڈ کی سپورٹڈ میسیجنگ ایپلی کیشنز کے بیک اینڈ پر میسیجز ایڈٹ کرنے کی نشانیاں دیکھی ہیں۔

گوگل کی جانب سے اینڈرائیڈ سپورٹڈ میسیجنگ ایپلی کیشنز پر ایڈیٹنگ کے فیچر کو پیش کیے جانے کی خبر ایک ایسے وقت میں سامنے آئی ہے جب واٹس ایپ نے بھی کچھ عرصہ قبل میسیج کو ایڈٹ کرنے کا فیچر پیش کیا تھا۔

You might also like
Leave A Reply

Your email address will not be published.