Mashriq Newspaper

افغان ڈرائیورز کیلئے ویزا شرط، پاکستان نے طورخم بارڈر بند کردیا

ڈرائیورز کیلئے ویزا شرط کے معاملے پر پاک افغان طورخم بارڈر ایک بار پھر بند کر دیا۔

پاکستانی حکام نے افغان ڈرائیورز پر ویزا پاسپورٹ کی شرط عائد کردی ہے، ویزا پاسپورٹ شرط پر بار بار توسیع اور وقت بھی دیا گیا۔

افغان ڈرائیورز ویزا پاسپورٹ کی شرط سے استثنا چاہتے ہیں، دوسری جانب افغان حکام نے بھی ویزہ شرط کے خلاف احتجاجا پاک افغان بارڈر کو بند کردیا۔

 

واضح رہے کہ گزشتہ سال نومبر میں بھی افغان حکومت نے طورخم بارڈر پر تجارت معطل کر کے سرحد اس وقت بند کر دیا تھا جب پاکستان کسٹم کی جانب سے افغان ڈرائیوروں کیلئے ویزا لازمی قرار دے دیا گیا۔

جس پر افغانستان سے آنے والے تجارتی ٹرکوں اور مال بردار گاڑیوں کو داخلے کی اجازت نہیں دی گئی۔ جس پر افغان گمرک (کسٹم) نے اپنی حکومت کو آگاہ کیا اور افغان سرحدی امور کے حکام نے طورخم سرحد بند کر دی۔

You might also like
Leave A Reply

Your email address will not be published.