Mashriq Newspaper

الیکشن کے انعقاد پر بےیقینی، انتخابی مہم کیلئے بینرز، جھنڈوں کی فروخت سست روی کا شکار

عام انتخابات میں صرف 24 دن باقی رہ گئے ہیں، تاہم انتخابی مہم کے لیے استعمال ہونے والا تشہیری سامان مثلاً پینافلیکس، بینرز، بنٹنگز، ٹوپیاں اور بیجز کی فروخت سست روی کا شکار ہے، جس کی وجہ مقررہ تاریخ پر انتخابات کے انعقاد کے حوالے سے غیریقینی کو قرار دیا جارہا ہے۔

تیارکنندگان کا کہنا ہے کہ شاید سیاسی جماعتیں اور حتیٰ کہ عوام بھی 8 فروری کے انتخابات کے بارے میں غیر یقینی کا شکار ہیں۔

پیپر مارکیٹ میں ’وی آئی پی فلیگس‘ کے چیف ایگزیکٹو شیخ نثار پرچم والا نے بتایا کہ گزشتہ چند دنوں سے کچھ آرڈرز آنا شروع ہو گئے ہیں لیکن 2018 کے انتخابات کے مقابلے میں اِس بار انتخابی ماحول کا فقدان ہے، پرنٹنگ انڈسٹری کے اسٹیک ہولڈرز اور مختلف سیاسی جماعتوں کے امیدواروں میں بھی انتخابات کے انعقاد کے حوالے سے بے چینی پائی جارہی ہے۔

تاہم شہر کے چند حلقوں اور اندرون سندھ میں جھنڈوں اور انتخابی مہم میں استعمال ہونے والی دیگر اشیا کی پرنٹنگ کا کام گزشتہ ایک ماہ سے جاری ہے۔

You might also like
Leave A Reply

Your email address will not be published.