جنوری 2024 تک تمام تارکین کو وطن واپس بھیجوانےکا ہدف رکھا گیا ہے ،جان اچکزئی

کوئٹہ (خ ن) نگران صوبائی وزیر اطلاعات بلوچستان جان اچکزئی نے کہا ہے کہ چمن کے راستے1 لاکھ 10 ہزار سے زائد غیر قانونی تارکین وطن سرحد پار کر چکے ہیں۔جنوری 2024 تک تمام تارکین کو وطن واپس بھیجوانےکا ہدف رکھا گیا ہے جس پر عملدرآمد یقینی بنایا جا رہا ہے۔ ایران، عراق، انڈیا، بنگلہ دیش نائیجیریا ودیگر ممالک کےتارکین وطن کو بھی نکالا جا رہا ہے۔ ان خیالات کا اظہار انہوں نے ایک نجی ٹی وی چینل کو دیے گئے انٹرویو میں کیا۔ نگران صوبائی وزیر اطلاعات بلوچستان جان اچکزئی کا کہنا تھا کہ نادرا کی ٹیمیں اس قومی مہم پر کام کر رہی ہیں اور اب تک ایک لاکھ سے زائد شناختی کارڈز بلاک ہو چکے ہیں۔ ملک میں انتخابات آرہے ہیں تو کئی سیاسی پارٹیاں اس عمل کو بیابئے کے طور پراستعمال کررہے ہیں، بعض سیاسی پارٹیاں اس قومی مہم کی مخالفت بھی کر رہی ہیں غیرقانونی تارکین وطن کی واپسی ہمارے قومی مفاد میں ہے۔غیرقانونی تارکین کی وطن واپسی کےحوالے سے وسائل میں کمی کا بھی سامنا ہے۔