Mashriq Newspaper

اسٹاک ایکسچینج میں مثبت رجحان، انڈیکس 514 پوائنٹس بڑھ گیا

پاکستان اسٹاک ایکسچینج میں مثبت رجحان دیکھا گیا، آج بینچ مارک کے ایس ای-100 انڈیکس میں 514 پوائنٹس اضافے کے بعد 64 ہزار کی حد بحال ہو گئی۔

پی ایس ایکس ویب سائٹ کے مطابق کے ایس ای-100 انڈیکس 514 پوائنٹس یا 0.81 فیصد بڑھ کر 64 ہزار 454 پر پہنچ گیا، جو گزشتہ روز 63 ہزار 939 پر بند ہوا تھا۔

خیال رہے کہ گزشتہ روز کے ایس ای-100 انڈیکس 657 پوائنٹس اضافے کے بعد 63 ہزار 939 پر پہنچ گیا تھا۔

اسی طرح گزشتہ ہفتے کے آخری کاروباری روز انڈیکس میں 79 پوائنٹس کا اضافہ ہوا تھا، اس سے ایک روز قبل پاک-ایران کشیدگی کے سبب انڈیکس 364 پوائنٹس یا 0.57 فیصد تنزلی کے بعد 63 ہزار 202 پر آگیا تھا۔

You might also like
Leave A Reply

Your email address will not be published.