Mashriq Newspaper

عدالتوں کے ’لاڈلے‘ عمران خان کو جیل میں حاصل سہولیات کا عام شہری تصور بھی نہیں کر سکتا، وزیر داخلہ

نگران وفاقی وزیر داخلہ سرفراز بگٹی نے چیئرمین پی ٹی آئی عمران خان کو عدالتوں کا ’لاڈلہ‘ قرار دیتے ہوئے کہا ہے کہ سابق وزیر اعظم کو جیل میں دی جانے والی سہولیات کا عام شہری تصور بھی نہیں کر سکتا۔

نگران وفاقی وزیر داخلہ سرفراز بگٹی نے ’انڈیپنڈنٹ اردو‘ کو انٹرویو دیتے ہوئے کہا ہے کہ عمران خان کی سائفر کیس میں 28 نومبر کو فیڈرل جوڈیشل کمپلیکس اسلام آباد میں پیشی کے حوالے سے عدالت کے حکم کو من و عن تسلیم کریں گے۔

سرفراز بگٹی نے کہا کہ چیئرمین پی ٹی آئی عدالتوں کے لاڈلے ہیں، عمران خان کو جیل میں دی جانے والی سہولیات کا عام شہری تصور نہیں کر سکتا۔

انہوں نے کہا کہ میرے خیال میں مسلم لیگ (ن) کے قائد نواز شریف پر جو کیس بنے وہ زیادہ تر بے بنیاد تھے، تاریخ میں یہ پہلی مرتبہ ہوا ہوگا کہ بیٹے سے تنخواہ نہ لینے کے جرم میں کوئی نااہل ہوا ہے۔

ان کا کہنا تھا کہ نگران حکومت میں مسلم لیگ (ن) کو کوئی خصوصی رعایت نہیں دی جا رہی، نگران حکومت کے لیے نواز شریف اور بلاول بھٹو ایک جیسے ہیں، قابل احترام ہیں۔

انہوں نے کہا کہ انتخابات سے متعلق وزارت داخلہ نے الیکشن کمیشن کو ہر قسم کے تعاون کی یقین دہانی کروائی ہے۔

You might also like
Leave A Reply

Your email address will not be published.