Mashriq Newspaper

آرٹیفیشل انٹیلیجنس سے اب موت کی درست پیشگوئی ممکن؟

سائنس اور ٹیکنالوجی میں تیز رفتاری ترقی اور مصنوعی ذہانت نے انقلاب برپا کر دیا ہے اور اب ایسا سسٹم بنانے کا دعویٰ کیا جا رہا ے جو موت کی درست پیشگوئی کر سکتا ہے۔

غیر ملکی میڈیا کے مطابق مصنوعی ذہانت سے مزین یہ سسٹم امریکا اور ڈنمارک کے سائنسدانوں نے مشترکہ طور پر ایجاد کیا ہے جس کے بارے میں ان کا کہنا ہے کہ آرٹی فیشل انٹیلی جنس کا یہ آلہ کسی بھی انسان کی زندگی میں پیش آنے والے ترتیب وار واقعات کی درست پیش گوئی کرسکتا ہے جیسے حمل کی تاریخ، جسمانی شناخت کیسی ہوگی، آمدنی، پیشہ، مقام، چوٹیں بیماریاں اور یہاں تک کہ اس کی موت کی بھی پیش گوئی کرنے کی صلاحیت رکھتا ہے۔

سائنس دانوں نے آرٹیفیشل انٹیلی جنس کے اس ٹول کو ’’ڈیتھ کیلکولیٹر‘‘ کا نام دیا ہے جس کا الگورتھم Life2vec حیران کن طور پر 75 فیصد تک درست پیش گوئیاں کرنے کی صلاحیت رکھتا ہے جس میں اس کی موت کی پیشگوئی بھی شامل ہے اور اس ناقابل یقین کارنامے کے لیے یہ ٹول ڈیٹا کے صرف چار اہم ٹکڑوں پر انحصار کرتا ہے۔

You might also like
Leave A Reply

Your email address will not be published.